Renault Clio Sport 

Prodhuesi i njohur i veturave “Renault” këto ditë i publikoi detajet e reja për modelin që do të arrijë së shpejti, atë Clio Renaultsport dhe e konfirmoi që kjo makinë do të jetë më e shpejtë dhe njëherësh edhe më e lehtë sesa paraardhësi.

Motori i tij 1.6-litra, 4-cilindërsh turbo do të zhvillojë rreth 197 KF dhe 240 Nm, duke potencuar këtu se momenti më i madh rrotullues është në dispozicion nga 1.750 deri 5.500 rr/min.

Prodhuesi francez e bëri të ditur që ky automobil me peshën prej 1.204 kilogramë do të përshpejtojë deri në 100 km/h për 6.7 sekonda dhe kështu do të jetë për 0.2 sekonda më i shpejtë se modeli aktual.

Motori do të jetë i pajisur me ndërruesin me 6-shpejtësi me lidhje të dyfishtë, ndërsa ngasësit në dispozicion do të kenë amortizatorët dhe kompresorët hidraulik të cilët mund të gjendet vetëm në makina për gara.